"ye kya hua..."

Shaher Bhopal, mai aj se 4 din pehle ki kahani baya krta hu. Mai sham ko jaldi apne rum pe gaya kyu ki der-sham mujhe apne home town k liye train pakdni thi. Sath k rumi dost ko jldi bulaya tha, hm dono ek hotel me bhojan karne k bad aanan-fanan me auto kr k station ko chale. Sath ka rumi kafi khush tha, kyu ki wo kudta hua gane ga raha tha. Mei apne sath k dosto ko sms kar ra tha k "ab mai apne sheher k dosto se mil k wapas yaha aaunga, njoy Diwali safe n sound, tc". Station pe kai sathi mile jo bohot utsaahit the Diwali apne ghar pe manane k liye, ittefaq se zadatar log mere hi home-town k the to mahol or b khushnuma tha. Meri khushi b aisi thi jo thakan bhare din ko mitane wali nind ko uda gai thi, train bhagti rahi or hum log b puri train me apne dosto k beech bhagte rahe jo har bogy me kabja kiye the. Kahi thodi der baith k gappe mari or aage badhe, khi kisi dost k sath baith k chai nashta kia to khi lete reh gaye. Lekin 3 mahine bad ghar jane ki yad bhar se kisi thakan ya nind ka asar nai tha, sabhi chahl kadmi karte rahe or 11 ghante ka safar kat gaya.
Last station pe bag kam or hum sab zada the jabki iska thik ulta 3 mahine pehle hua tha jab hum sabhi log isi train se Bhopal gye the.Ab apne seher ki subah or chai to nirali hi rahegi. To sabne station pe hi chai snacks order kar diye, lekin mujhe kuch jaldi thi. Maine kuch group photos khichwaye, gale mila,shub-kamnaye di or haath milata hua bahar auto krne k liye nikal gaya.
Bhopal k mukable bhale hi roads pe zada trafic, bhid-bhad, or chalta hai atitude hote hue bhi auto ka safar bohot mazedar lag ra tha. Purani yadon ne flashbak karna shuru kia, man me hi hansi dukh jaisi kai anubhutiyan uthati or gumti rahi. Tbhi mai apne stop pe utra or jaldi se kiraya nipta k aage kadam badhaye, hath me ek heavy bag hote hue bhi marathon gati se mai ghar pahucha. Ghanti bjai, darwaze pe maa ko gale lagaya, kuch chize kabi nai badal sakti. Andar gaya or kho gaya...

Ate samay apne purane dosto se milne ki badi talab thi, lalak thi, chahat thi.



Wo kya hui???

Main aaj 4 dino se ghar k kaamo me aisa uljha k apne ek bhi colege ya YO-niversity frnd se nai mil saka hu??
Kuch time to unko surprize dene ki sochi but jiska khud koi thikana nai wo...
Aakhir me sms k zariye sabse bite dino k na milpane or aagami dino ki b maafi mangi. Kuch ne wapas galiya bheji, kuch ne uske kaabil b na samjha...
Meri to khud me hi bhawanayen uthi , jagi or ab lupt hoti ja rai hain...
Ant me is lekh k zariye apne aap se sawal krta hu k yeee...kya hua???